الطفل المصرى

[size=18]الطفل المصري
الطفل المصري الاسطوره
فين هو وليه خارج الصوره
فين هو دا ابنك يا فراعنة
فين هو دا ابنك يا حضارة
فرحانين بكلام الغرب
إن بلادنا سلام وأمان
وإحنا شبابنا في حاله حرب
لكن في ركود واستسلام
شباب نايم سلام عايم
في بحر من الظلمات
كلام في كلام وفعل مفيش
ويبدأ واحد يرجع جيش
وخوف على طول ليه من بكره
مفيش واحد صاحب فكره
وحتى لو شباب فكر
وعاوز يبتدى يعمر
يلاقى السكة مسدودة
وقوانين ظالمه موجودة
ونتكلم وعلينا نرد
طب العيب ليه وفى مين بالظبط
في كم من الرجال بطال
ولا قانون ظالم جبار
ولا شباب من غير أفكار
كده البلد أخرتها دمار[/size]

انا قلت انك فنانه سواء فى الحقيقه او الخيال على الارض او فوق السحاب رومانسيه خياليه واقعيه كل شىء بسم الله ما شاء الله وليست مجامله اسلوبك شيق على كل الالوان بسيط وهادى ومش علشان انا بكتب اشعار ممكن اجامل اى زميل ليا لكن الجميل لا يستتطيع اى احد انه يقول عليه غير انه جميل استمرى ونمى موهبتك بالقراءة الكثيرة لا تستسلمى لاى شىء حولك واكتبى بقلبك قبل يدك اتمنى لك دوام التوفيق والله الموفق

يا استاذى اشكرك
بجد بكون سعيده اوى لما كلماتى بتعجبك
لانك اصلا فنان موهوب
ربنا يبارك فيك
ولا تحرمنى من مرورك الذى يشرفنى
لك منى كل تقدير واحترام