أولها جزمه
يا بوش وليه مضيقاك جزمه
ما ياما دوست على رقابهم
قال إيه كرامتك مش طايقه
وعاوز تحاكم أيامهم
ده رد فعل بسيط منهم
اقلها ضربه جزمه
يا ظالم ما أنت وكلابك
بهدلتهم وذلتهم
وشردت أطفال جيلهم
واعتديت على نسائهم
هديت بيوت ياما عمرانه
وخربت دوله شقيانه
ذلتهم اه بجبروتك
ده بكره ربنا يذلك
اولها جزمه وأخرها طلق نيران
اتقى شر الحليم دا غضبه اه بركان
اتقى شر الوليد اللى اتولد فى النار
صاحى من النوم على صوت رصاص ودمار
معندهوش بكره لكن عنده عزم وإسرار
عاوز يرجع الأرض اللي ملاها حصار
كل ما سمع أذنه خراب حصار دمار
عاوز إيه من اللي اتربى على النيران
وشاف بعينه أمه وأبوه ماتو في العدوان
وبيسأل ليه الحرب ما بيرد عليه لسان
ويقول أنا ذنبي إيه
ذنبه انه أتولد في بلد ضاع منها الأمان