صباح الخير
صباح الخير يا ست الناس
يا نجمه يا تاج وفوق الراس
صباح الورد يا عطر الورد
يا زهره وعطرها حساس
صباح الدعوه مسموعه
بأيد ممدوده مرفوعه
لرب العزه يسمعها
ومن قلبك بيقبلها
صباح الشمس موجوده
ونورها مغطى كل الكون
بنورك والله يا امى
يضىء طريقنا منين ما نكون
صباح الارض لو خصبه
صباح الارض لو صلبه
بدعواتك ندوس على الارض
متتهزش ولو رطبه
بندعيلك وتدعيلنا ولكن دعوتك اقوى
دى دعوه ام شايله الهم
دى دعوه ام اه صادقه
بكل حنان محوطانا
وشايله عننا الاحزان
وصابره على اللى
كان عاصى ولا حتى جرح او خان
وبردو الدعوه موجوده
بأيد مرفوعه ممدوده
تقول يا رب وفقهم
تقول يا رب تحميهم
وحتى لو لسانك خان
وقولتى دعوه تأذيهم
بقلب الام سبحانه
بيرفع غضبك عليهم
ويهديكى لسان الحب
ويهديكى طريق النور
ويهديكى بصبر الام
على اولاد فى سن زهور
بندعيلك وتدعيلناولكن دعوتك اقوى
صبا الخير يا امى
يا اعظم ام فى الدنيا
موضوع: صباح الخير 
الجمعة مارس 20, 2009 11:29 am
